ہر اوورسیز پاکستانی 5 لاکھ روپے انویسٹمنٹ کردے تو انقلاب آسکتا ہے۔ عمران خان

پاکستان تحریک انصاف کے چیئرمین عمران خان نے کہا ہے کہ اگر ہر اوورسیز پاکستانی 5 لاکھ روپے انویسٹمنٹ کردے تو انقلاب آسکتا ہے، اوورسیز پاکستان...

پاکستان تحریک انصاف کے چیئرمین عمران خان نے کہا ہے کہ اگر ہر اوورسیز پاکستانی 5 لاکھ روپے انویسٹمنٹ کردے تو انقلاب آسکتا ہے، اوورسیز پاکستانیوں کا سب سے بڑا مسئلہ پلاٹ پر قبضوں کا ہے، اگر ان کے پلاٹ محفوظ نہیں تو وہ ملک میں کیسے انویسٹمنٹ لائیں گے، ہمارے دو حکومت میں پاکستان میں سب سے زیادہ زرمبادلہ آیا۔

انہوں نے سوشل میڈیا نمائندوں سے گفتگو کرتے ہوئے کہا کہ جب حکومت میں آئے تو ہر قسم کا مافیا تھا مگر ان کے خلاف ایکشن نہیں لے سکے، آج سلیمان شہباز واپس آرہا ہے وہ ڈیل کا حصہ ہے، خود مختار ادارے یہ اشرافیہ افورڈ نہیں کرسکتی، جب عدم اعتماد کی تحریک چلا رہے تھے تو شوکت ترین کو جنرل باجوہ کے پاس بھیجا، جنرل باجوہ کو بتایا کہ معیشت ڈیفالٹ کر جائے گی یہ جھٹکا برداشت نہیں کر سکے گی، ہمیں بتایا گیا سب ٹھیک ہے آپ کی حکومت کو کچھ نہیں ہوگا، یہ پلان بنا چکے تھے ہمیں کہتے تھے کہ آپ ہی رہیں گے، اب پوری دنیا کہہ رہی ہے ملک ڈیفالٹ کی طرف جا رہا ہے، پاکستان میں اگر کوئی جنگ ہے تو وہ انصاف کی ہے، اس وقت عدلیہ کا کردار سب سے زیادہ اہمیت کا حامل ہے، پوری قوم عدلیہ سے توقع رکھتی ہے کہ آئین اور قانون کے مطابق فیصلے ہوں گے، پرویز الہٰی واضح طور پر کہہ چکے ہیں کہ جو عمران خان کہیں گے وہی ہوگا، پرویز الہٰی کی خواہش ہے کہ 3 ماہ مل جائیں۔

عمران خان نے کہا کہ ارشد شریف کی والدہ نے جو نام لیے میرے مجرم بھی وہی ہیں، ارشد شریف کی والدہ نے جو نام لیے میرے مجرم بھی وہی ہیں، مذہبی انتہاء پسندی پر تعلیم کے ذریعے قابو پایا جاسکتا ہے، مجھے مذہبی انتہاء پسندی کا شکار بنانے کے لیے 3 لوگوں نے سازش کی، پلاننگ کے ساتھ میری ویڈیوز کو سیاق سباق سے ہٹ کر پیش کیا گیا، مجھے گولی لگی تو میرا استحقاق ہے کہ میں مقدمہ درج کراؤں۔

ایک کروڑ سے زائد اوورسیز پاکستانی ہیں، اگر ہر اوورسیز پاکستانی 5 لاکھ روپے انوسٹمنٹ کر دے تو انقلاب آسکتا ہے، اوورسیز پاکستانیوں کا سب سے بڑا مسئلہ پلاٹ پر قبضے کا ہے، اگر ان کا پلاٹ محفوظ نہیں تو کیسے وہ انویسٹمنٹ پاکستان لائیں گے، ہمارے دور حکومت میں سب سے زیادہ زرمبادلہ پاکستان میں آیا۔ انہوں نے کہا کہ ہم قانون پر عملدرآمد کرنے میں ناکام رہے، چور ڈاکوؤں کو قانون کے شکنجے میں نہیں لا سکے، نیب ہمارے نہیں اسٹیبلشمنٹ کے کنٹرول میں رہی، نواز شریف اور زرداری کبھی نہیں چاہیں گے کہ الیکشن ہوں، نواز شریف اور آصف زرداری کی امپائرز کو ساتھ ملا کر کھیلنے کی عادت ہے، پاکستان میں صدارتی نظام لانے کے لیے صوبوں کی تعداد زیادہ کرنا ہوگی، جب تک دو تہائی اکثریت نہیں ملتی حکومت نہیں لوں گا۔