اسمبلیاں توڑنے جیسے احمقانہ فیصلے عمران خان کرسکتے ہیں پرویزالہٰی نہیں۔ رانا ثناءاللہ

وفاقی وزیر داخلہ رانا ثناءاللہ نے کہا ہے کہ اسمبلیاں توڑنے جیسے احمقانہ فیصلے عمران خان کرسکتے ہیں پرویزالہٰی نہیں۔ انہوں نے کہا کہ پرویزالہ...

وفاقی وزیر داخلہ رانا ثناءاللہ نے کہا ہے کہ اسمبلیاں توڑنے جیسے احمقانہ فیصلے عمران خان کرسکتے ہیں پرویزالہٰی نہیں۔

انہوں نے کہا کہ پرویزالہٰی پنجاب اسمبلی نہیں توڑیں گے۔ وہ پرانے اور تجربہ کار سیاستدان ہیں۔ اگر مذاکرات کی کوئی سنجیدہ آفر آئی تو اتحادی حکومت غور کرے گی۔

انہوں نے ہم نیوز کے پروگرام میں گفتگو کرتے ہوئے کہا کہ اگر کوئی مذاکرات کی سنجیدہ آفر ہوتی ہے تو اتحادی حکومت ضرور غور کرے گی۔ اسحاق ڈار نے صدر کو اپنی اثرورسوخ استعمال کرنے کا مشورہ دیا ہے۔ ڈار صاحب نے صدر کو عمران خان کو سمجھانے کی بات کی ہے۔ جب سیاستدان آپس میں بیٹھتے ہیں تو ڈیڈ لاک ٹوٹتے ہیں۔
وزیر داخلہ نے کہا کہ اگر انہوں نے اسمبلیاں توڑنے کا فیصلہ کیا ہے تو توڑ دیں۔ ہم صوبائی الیکشن لڑنے کے لیے تیار ہیں۔ الیکشن کے بائیکاٹ اور اسمبلیاں توڑنے کو غیر جمہوری عمل سمجھتے ہیں۔ پرویز الہٰی سے ہمارا ابھی رابطہ نہیں لیکن رابطہ ہوسکتا ہے۔

وزیر داخلہ رانا ثناءاللہ نے کہا کہ پرویز الہٰی پنجاب اسمبلی نہیں توڑیں گے، پرویز الہٰی پرانے اور تجربہ کار سیاستدان ہیں، اس قسم کے احمقانہ فیصلے عمران خان کر سکتے ہیں پرویز الہٰی نہیں۔

رانا ثناءاللہ نے کہا کہ ارشد شریف قتل کیس، میرٹ پر تفتیش ہوگی، مخصوص لابی اسے ذاتی اور گروہی مقاصد کیلئے استعمال کرنے کی کوشش کررہی ہے، اس کیس میں پہلے کوئی تفتیش نہیں ہوئی،جےآئی ٹی بننے کے بعد وہی تفتیش کرے گی، ہم نے فوری طور پر فیکٹ فائنڈنگ کمیٹی بنائی تھی، حکومت نے انکوائری کمیشن کے لیے لکھا تھا۔ وزیر داخلہ نے کہا کہ ارشد شریف قتل کیس کا واقعہ کسی دوسرے ملک میں ہوا تھا، جب تک تفتیش کا رزلٹ نہ آئے کچھ نہیں کہہ سکتے، 2،3 بندے ایسے ہیں جن کا اس واقعہ سے تعلق بنتا ہے، ارشد شریف کو کینیا بجھوانے میں یہ لوگ ملوث ہیں۔ارشد شریف کا قتل دوسرے ملک میں ہوا تھا۔