مارگلہ کی پہاڑیوں پر تیندوے کی لاش، شہریوں کی چہ موگیاں

وفاقی دارالحکومت اسلام آباد میں مارگلہ کے پہاڑوں میں محکمہ جنگلی حیات کے حکام کو ایک تیندوے کی لاش ملی ہے اسلام آباد کے وائلڈ لائف مینجمنٹ ب...

وفاقی دارالحکومت اسلام آباد میں مارگلہ کے پہاڑوں میں محکمہ جنگلی حیات کے حکام کو ایک تیندوے کی لاش ملی ہے اسلام آباد کے وائلڈ لائف مینجمنٹ بورڈ کے ایک مختصر بیان کے مطابق تیندوا مارگلہ ہلز کے علاقے سنہیاری میں مردہ حالت میں پایا گیا. بورڈ کے ترجمان کا کہنا ہے کہ ابتدائی رپورٹ کے مطابق تیندوے کی موت بلندی سے گرنے کے باعث ہوئی بلندی سے گرنے کے باعث چوٹ تیندوے کے سر پر لگی ترجمان نے بتایا کہ تیندوے کی ہسٹوپتھالوجی رپورٹ کے بعد موت کی دیگر وجوہات کا تعین ہو سکے گا.

وائلڈ لائف مینجمنٹ بورڈ کی سربراہ رینا ایس خان نے بتایا کہ یہ ٹائیگر نہیں ایک عام چیتا ہے‘ بظاہر موت کی وجہ کسی دوسرے تیندوے کے ساتھ لڑائی بھی ہوسکتی ہے ’زہر کو بھی خارج از امکان کرنے کے لیے تجزیے کے لیے نمونہ لیباٹری بھیجا گیا ہے جسم پر گولیوں کے سوراخ یا زخم نہیں ہیں. ایک ٹویٹ میں ان کا کہنا تھا کہ مرنے والا تیندوا بظاہر 10 سے 15 سال عمر کا تھا اس کی لاش دو سے تین دن سے اس علاقے میں پڑی تھی اسلام آباد کے ٹریل ٹو پر گذشتہ دنوں ایک تیندوا دیکھا گیا تھا جس کے بعد علاقے میں خوف وہراس پھیل گیا حکام نے خطرے کے پیش نظر ٹریل ٹو کو بند بھی کر دیا تھا.

رینا ایس خان نے بتایا کہ یہ تیندوا وہ نہیں جو سید پور گاﺅں کے قریب جنگل میں دیکھا گیا تھا مرنے والا بالکل مختلف نیا تیندوا ہے جو سنہیاری کے علاقے میں رہ رہا تھا یہ علاقے سیدپور گاﺅں سے بہت دور ہے. انہوں نے اس حوالے سے بعد میں ایک ٹویٹ بھی کی جس میں کہا گیا کہ تیندوں سے متعلق آگاہی بڑھ رہی ہے چند روز قبل بھی شاہراہ کاغان پر پہاڑی ے گر کر زخمی ہونے والا تیندوا زخموں کی تاب نہ لاتے ہوئے دوران علاج دم توڑ گیا تھا.

مارگلہ ہلز میں تیندوے کی موجودگی کے تناظر میں اسلام آباد وائلڈ لائف نے گذشتہ ماہ مقامی افراد کو خصوصی احتیاطی تدابیر اپنانے کی ہدایت کی تھی ترجمان وائلڈ لائف کا کہنا تھا کہ موسم سرما میں تیندوا مارگلہ ہلز کی دیہی آبادی کے قریب اکثر دیکھا جاتا ہے، مقامی آبادی اور سیاح غیر ضروری نقل و حرکت سے اجتناب کریں. ترجمان وائلڈ لائف کا کہنا تھا کہ لوگ اکیلے اس علاقے میں نہ جائیں، مقامی آبادیوں کے افراد مویشی جنگل کی طرف چرنے کے لیے نہ بھیجیں، جنگل کے قریب بچے، عورتیں اور ضعیف افراد غیرضروری طور پرگھروں سے نہ نکلیں، رات کے اوقات میں مال مویشی کو چاردیواری کے محفوظ مقام پر باندھیں ترجمان کا یہ بھی کہنا تھا کہ تیندوے کو نقصان پہنچانا قانونی طور پر جرم ہے، تیندوے کو نقصان پہنچانے پر سزا یا جرمانہ عائد ہوسکتا ہے.