غیر ملکیوں کی ویزا درخواستوں اور اپروول کو روک دیا گیا

پیتالنگ جایا: انسانی وسائل کے وزیر وی شیوکمار کا کہنا ہے کہ غیر ملکی کارکنوں کے لیے تمام درخواستیں اور پروسیسنگ کو اگلے نوٹس تک روک دیا گیا ...

پیتالنگ جایا: انسانی وسائل کے وزیر وی شیوکمار کا کہنا ہے کہ غیر ملکی کارکنوں کے لیے تمام درخواستیں اور پروسیسنگ کو اگلے نوٹس تک روک دیا گیا ہے۔

انہوں نے کہا کہ یہ فیصلہ پہلے 995,396 منظور شدہ کارکنوں کی آمد کو ترتیب دینے کے لیے کیا گیا ہے۔

انہوں نے مزید کہا کہ یہ عارضی معطلی ہے جو فوری طور پر لاگو کی جاتی یے۔ اس میں ری کیلیبریشن اسکیم کے تحت درخواست دینے والے بھی شامل ہیں۔ اگلے حکم تک مزید کوئی درخواست منظور نہیں کی جائے گی اور نہ ہی کوئی ویزا اپروول دی جائے گی۔

شیوکمار کے مطابق، آجروں کی جانب سے منظور شدہ کارکنوں کی آمد کو یقینی بنانے کے بعد ہی معطلی کا جائزہ لیا جائے گا، اور انہیں جلد از جلد ایسا کرنے کی تاکید کی جائے گی۔

“ہم نے 14 مارچ تک تمام شعبوں، یعنی تعمیرات، خدمات، مینوفیکچرنگ، زراعت، کھدائی اور کان کنی، اور شجرکاری میں 995,396 کارکنوں کی منظوری دی ہے۔

انہوں نے ایک بیان میں کہا، “ان میں عام منظوری کے عمل اور پانچ اہم شعبوں کے لیے نرمی کے طریقہ کار شامل ہیں جو کہ مینوفیکچرنگ، تعمیرات، باغات، زراعت کے ساتھ ساتھ خوراک اور مشروبات ہیں۔”

شیوکمار نے کہا کہ یہ تعداد تمام شعبوں بشمول اہم شعبوں میں درکار افرادی قوت کے تقاضوں کو پورا کرنے کے لیے کافی ہے۔

انہوں نے آجروں پر زور دیا کہ جن کو ان کے متعلقہ کوٹے کے لیے منظوری دی گئی ہے انہیں مقررہ مدت کے اندر اندر ملک میں لانے کے عمل کو تیز کریں، انہوں نے مزید کہا کہ داخل ہونے والوں کی تعداد کل منظور شدہ کے مقابلے کم ہے۔