امیگریشن اور جے پی جے کی مشترکہ کارروائیاں، پاکستانیوں سمیت 49 غیر ملکی گرفتار، 68 گاڑیاں ضبط کر لی گئیں

 کوالالمپور،  ٹرانسپورٹ ڈپارٹمنٹ جے پی جے نے امپانگ میں جالان تاسک تمباہن کے ارد گرد آپریشن میں مختلف جرائم کے لیے 280 سمن جاری کیے ہیں۔ اوپ...

 کوالالمپور،  ٹرانسپورٹ ڈپارٹمنٹ جے پی جے نے امپانگ میں جالان تاسک تمباہن کے ارد گرد آپریشن میں مختلف جرائم کے لیے 280 سمن جاری کیے ہیں۔

اوپ پیوا نامی یہ آپریشن خاص طور پر ان غیر ملکی ڈرائیوروں کے لیے شروع کیا گیا جو قانون کی خلاف ورزیوں سے باز نہیں آتے اور بغیر لائسنس کے غیر قانونی گاڑیاں چلاتے ہیں۔ 

   جے پی جے کے ڈپٹی ڈائریکٹر ایرک جوسیانگ نے کہا کہ 114 سمن غیر ملکیوں کو ڈرائیونگ لائسنس نہ ہونے پر، 32 سمن بغیر انشورنس کور والی گاڑیوں کے لیے جاری کیے گئے، جبکہ  68 گاڑیاں ضبط کی گئیں جن میں 64 موٹر سائیکلیں، دو کاریں اور دو لاریاں شامل ہیں۔

 انہوں نے کہا کہ معائنے سے معلوم ہوا کہ ضبط کی گئی زیادہ تر گاڑیاں مقامی لوگوں کی ہیں جنہیں غیر ملکی چلاتے ہیں۔

 انہوں نے مزید کہا، ’’میں مقامی لوگوں کو مشورہ دیتا ہوں کہ وہ غیر ملکیوں کو اپنی گاڑیاں کرایہ پر نہ دیں اور نہ ہی چلانے دیں کیونکہ ڈرائیور اور مالک کو سمن جاری کیا جائے گا اور گاڑی کو روڈ ٹرانسپورٹ ایکٹ 1987 کے سیکشن 64 (1) کے تحت ضبط کر لیا جائے گا۔‘‘

ایرک نے کہا کہ اس کارروائی میں بنگلہ دیش، میانمار، بھارت، پاکستان اور انڈونیشیا کے 49 غیر ملکیوں کو بھی درست سفری دستاویزات نہ ہونے اور ملک میں زیادہ قیام کرنے پر گرفتار کیا گیا۔

 رفتار کیے گئے افراد کی عمریں 20 سے 50 کے درمیان ہیں اور انہیں مزید کارروائی کے لیے کوالالمپور میں ملائیشیا کے امیگریشن ڈیپارٹمنٹ کے دفتر لے جایا گیا ہے۔

 انہوں نے بتایا کہ صبح 9 بجے سے دوپہر 2 بجے تک جاری رہنے والے آپریشن میں 68 جے پی جے اہلکاروں اور امیگریشن ڈیپارٹمنٹ کے 11 افسران نے کیا۔